سعودی ثقافتی رپورٹ: 10 سالہ کامیابیاں اور آئندہ چیلنجز

وزارت ثقافت کے ترجمان عبد الرحمن المطوع نے کہا ہے کہ 'مملکت میں ثقافتی صورتحال' رپورٹ میں گزشتہ 10 برس کے دوران حاصل ہونے والی کامیابیاں اور آئندہ مرحلے کے چیلنجز پیش کیے گئے ہیں۔

انہوں نے الاخباریہ چینل پر نشر ہونے والے اپنے انٹرویو میں مزید بتایا کہ یہ رپورٹ وزارت ثقافت کی جانب سے ہر سال جاری کی جاتی ہے۔ رواں سال اور سعودی وژن 2030 کے آغاز کو 10 سال مکمل ہونے کے موقع پر رپورٹ میں ایک جامع حصہ شامل کیا گیا ہے جس میں اس دہائی کے دوران ثقافتی شعبے میں ہونے والی پیش رفت اور اس سے وابستہ تخلیقی میدانوں میں حاصل ہونے والی کامیابیاں بیان کی گئی ہیں۔

انہوں نے مزید کہا کہ رپورٹ میں ثقافتی شعبے میں ادارہ سازی اور تنظیمی ڈھانچے کی تعمیر کا بھی جائزہ لیا گیا ہے، جبکہ ان کامیابیوں کے بعد آئندہ مرحلے کی ترجیحات اور درپیش چیلنجز پر بھی روشنی ڈالی گئی ہے۔