خادم الحرمین کو اماراتی صدر کا اہم پیغام موصول

خادم الحرمین الشریفین شاہ سلمان بن عبدالعزیز آل سعود کو متحدہ عرب امارات کے صدر شیخ محمد بن زاید آل نہیان کی جانب سے دوطرفہ تعلقات سے متعلق ایک تحریری پیغام موصول ہوا ہے۔

یہ پیغام سعودی عرب میں امارات کے سفیر مطر سالم الظاہری نے وزارت خارجہ کے نائب وزیر، انجینئر ولید بن عبد الکریم الخریجی کو آج ریاض میں وزارت کے دفتر میں ملاقات کے دوران پیش کیا۔

نائب وزیر خارجہ نے بتایا کہ ملاقات میں سعودی عرب اور امارات کے درمیان دوطرفہ تعلقات اور مختلف شعبوں میں تعاون کے فروغ کے امکانات پر تبادلہ خیال کیا گیا، جبکہ باہمی دلچسپی کے دیگر امور بھی زیر بحث آئے۔