ممنوعہ علاقے میں چرائی پر شہری گرفتار

خصوصی فورس برائے ماحولیاتی تحفظ نے ایک شہری کو ماحولیاتی نظام کی خلاف ورزی پر اس وقت گرفتار کیا جب وہ شاہ عبدالعزیز رائل ریزرو میں ممنوعہ مقامات پر بیس اونٹ چرا رہا تھا۔ اس کے خلاف قانونی کارروائی عمل میں لائی گئی۔

فورس نے واضح کیا کہ اونٹ چرانے کی خلاف ورزی پر ہر اونٹ کے حساب سے 500 سعودی ریال جرمانہ عائد کیا جائے گا۔ فورس نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔