امام فیصل بن ترکی ریزرو میں غیرقانونی کیمپنگ پر شہری گرفتار

ماحولیات کے تحفظ کے لیے قائم خصوصی فورس نے ایک شہری کو امام فیصل بن ترکی ریزرو میں بغیر اجازت کیمپنگ کرنے پر گرفتار کیا ہے اور اس کے خلاف قانونی کارروائی عمل میں لائی گئی ہے۔

فورس کے مطابق، جنگلات یا قومی پارکوں میں بغیر اجازت کیمپنگ کرنے پر تین ہزار سعودی ریال تک جرمانہ عائد کیا جا سکتا ہے۔ فورس نے شہریوں سے اپیل کی ہے کہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔