مدینہ منورہ میں درمیانے درجے کی بارش کی پیش گوئی

قومی مرکز برائے موسمیات نے آج مدینہ منورہ ریجن میں درمیانے درجے کی بارش کی پیش گوئی کرتے ہوئے خبردار کیا ہے کہ اس کے اثرات میں تیز رفتار ہوائیں، افقی حد نگاہ میں کمی، ژالہ باری، سیلابی ریلے اور گرج چمک شامل ہوں گے۔ یہ انتباہ مدینہ منورہ شہر سمیت بدر، وادی الفرع، الحناکیہ، المہد، العیص اور خیبر کے لیے جاری کیا گیا ہے۔

مرکز کے مطابق یہ موسمی صورتحال دوپہر بارہ بجے سے شروع ہو کر رات نو بجے تک جاری رہنے کا امکان ہے۔