امام ترکی بن عبداللہ ریزرو میں مقامی لکڑی منتقل کرنے والا شہری گرفتار

ماحولیاتی سکیورٹی فورس نے ایک شہری کو ماحولیاتی قوانین کی خلاف ورزی پر اس وقت گرفتار کیا جب وہ امام ترکی بن عبداللہ ریزرو میں دو مکعب میٹر مقامی لکڑی منتقل کر رہا تھا۔ اس کے خلاف قانونی کارروائی کی گئی اور ضبط شدہ لکڑی متعلقہ ادارے کے حوالے کر دی گئی۔

فورس کے مطابق مقامی لکڑی یا کوئلہ منتقل کرنے پر فی مکعب میٹر 16,000 سعودی ریال تک جرمانہ ہو سکتا ہے۔ فورس نے شہریوں سے اپیل کی ہے کہ وہ ماحول یا جنگلی حیات کے خلاف کسی بھی خلاف ورزی کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔