دمام میں درجہ حرارت 46 ڈگری، ابہا میں سب سے کم

قومی مرکز برائے موسمیات نے سعودی عرب کے بعض شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق دمام میں آج سب سے زیادہ درجہ حرارت 46 ڈگری سینٹی گریڈ ریکارڈ کیا جائے گا جبکہ ابہا میں سب سے کم 19 ڈگری سینٹی گریڈ متوقع ہے۔

مرکز نے اپنی سرکاری ویب سائٹ پر بتایا کہ آج متوقع زیادہ سے زیادہ درجہ حرارت دمام میں 46، ریاض میں 45، مکہ مکرمہ میں 43، جبکہ مدینہ منورہ اور جدہ میں 41 ڈگری سینٹی گریڈ ہوگا۔

اسی طرح ابہا اور الباحہ میں زیادہ سے زیادہ درجہ حرارت 29، تبوک، جازان اور نجران میں 39، اور حائل میں 40 ڈگری سینٹی گریڈ رہنے کا امکان ہے۔

کم سے کم درجہ حرارت کے حوالے سے مرکز نے بتایا کہ ابہا میں 19، الباحہ میں 21، ریاض میں 28، مکہ مکرمہ میں 32، مدینہ منورہ میں 30، جدہ اور نجران میں 29، دمام میں 31، تبوک اور بریدہ میں 26، جبکہ جازان میں 33 ڈگری سینٹی گریڈ متوقع ہے۔