مکہ مکرمہ میں موسمی صورتحال: شہریوں کو احتیاط برتنے کی ہدایت

سعودی سول ڈیفنس نے مکہ مکرمہ کے مختلف حصوں میں موسمی صورتحال کے باعث شہریوں کو احتیاط اور حفاظتی ہدایات پر عمل کرنے کی تاکید کی ہے۔ یہ ہدایت نیشنل سینٹر فار میٹرولوجی کی جانب سے جاری کردہ ریڈ الرٹ کے بعد جاری کی گئی ہے۔

سول ڈیفنس نے اپنے سرکاری ایکس اکاؤنٹ پر بتایا کہ علاقے میں موسلا دھار بارشیں متوقع ہیں، اس لیے شہری زیادہ سے زیادہ احتیاط برتیں اور پانی کے جمع ہونے والے مقامات، وادیوں اور ڈیموں سے دور رہیں تاکہ عوامی سلامتی یقینی بنائی جا سکے۔

سول ڈیفنس نے بارش کے دوران حفاظتی ہدایات پر عمل کرنے اور سیلابی ریلوں کو عبور کرنے سے گریز کرنے کی اہمیت پر بھی زور دیا ہے۔