مشرقی ریجن میں شدید گرمی اور تیز ہواؤں کی وارننگ

قومی مرکز برائے موسمیات نے آج منگل کو خبردار کیا ہے کہ مشرقی ریجن شدید گرمی کی لہر کی زد میں ہے، جہاں درجہ حرارت 47 سے 48 ڈگری سینٹی گریڈ کے درمیان رہنے کا امکان ہے، جبکہ تیز ہوائیں چلیں گی جن کی رفتار 40 سے 49 کلومیٹر فی گھنٹہ تک پہنچ سکتی ہے۔

مرکز کے مطابق اس موسمی کیفیت میں دمام اور ظہران کے علاوہ حفر الباطن، الخفجی، النعیریہ، قریہ العلیا، الجبیل، رأس تنورة، القطیف، الخبر، بقیق، العديد، الاحساء اور ان سے ملحقہ ہجر و مراکز شامل ہیں۔

شاہراہوں اور حد نگاہ پر اثرات

مرکز نے بتایا کہ تیز ہواؤں کے باعث گرد و غبار اٹھنے سے افقی حد نگاہ 3 سے 5 کلومیٹر تک محدود ہو سکتی ہے، خصوصاً شاہراہوں اور کھلے علاقوں میں۔

مرکز نے مزید کہا کہ یہ موسمی صورتحال آج شام 8 بجے تک برقرار رہے گی اور شہریوں کو احتیاط برتنے اور ضروری ہدایات پر عمل کرنے کی تاکید کی ہے۔