الجوف اور باحہ میں منشیات فروشی پر دو شہری اور ایک ایتھوپی باشندہ گرفتار

سعودی محکمہ انسداد منشیات نے الجوف ریجن میں دو شہریوں کو منشیات، یعنی حشیش اور طبی نگرانی میں آنے والی گولیوں کی فروخت کے الزام میں گرفتار کیا ہے۔ دونوں ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

ایکس پر مکمل خبر دیکھیں

اسی طرح انسداد منشیات ادارے نے باحہ ریجن میں سرحدی قوانین کی خلاف ورزی کرنے والے ایک ایتھوپی باشندے کو ایمفیٹامین اور حشیش فروخت کرنے کے الزام میں گرفتار کیا ہے۔ اسے بھی حراست میں لے کر قانونی کارروائی مکمل کرنے کے بعد پبلک پراسیکیوشن کے سپرد کر دیا گیا ہے۔

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) یا (994) پر رابطہ کریں۔ اس کے علاوہ محکمہ انسداد منشیات کے ہیلپ لائن (995) یا ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ نمٹائی جائیں گی اور اطلاع دینے والے پر کوئی ذمہ داری عائد نہیں ہو گی۔