مرسڈیز ایس کلاس اور مایباخ کی 6,388 گاڑیاں واپس طلب

سعودی وزارت تجارت نے اعلان کیا ہے کہ مرسڈیز کی ایس کلاس اور ایس کلاس مایباخ ماڈلز 2020 سے 2025 کی 6,388 گاڑیاں فنی خرابی کے باعث واپس منگوائی جا رہی ہیں۔

وزارت نے اپنے ایک بیان میں، جو ایکس پلیٹ فارم پر جاری کیا گیا، بتایا کہ ان گاڑیوں کے اگلے محور میں بریک ہوزز میں خرابی پائی گئی ہے، جس کے باعث وقت کے ساتھ بریک فلوئڈ لیک ہو سکتا ہے اور بریکنگ کی کارکردگی متاثر ہو سکتی ہے۔ اس سے گاڑی کی رکنے کی مسافت بڑھ جاتی ہے اور حادثے کا خطرہ زیادہ ہو جاتا ہے۔

وزارت تجارت نے مالکان سے کہا ہے کہ وہ اپنی گاڑیوں کے سیریل نمبر کی جانچ کریں اور Recalls.sa ویب سائٹ پر جا کر تصدیق کریں کہ ان کی گاڑی اس فہرست میں شامل ہے یا نہیں۔ اس کے بعد مقامی ڈیلر سے رابطہ کریں اور مفت میں ضروری مرمت کے لیے مجاز ڈیلر کے پاس جائیں۔

ایکس پر اصل بیان دیکھیں