یمن میں استحکام ناگزیر، عالمی برادری حوثیوں کی مذمت کرے: وزیر خارجہ

وزیر خارجہ شہزادہ فیصل بن فرحان نے حوثیوں کے حملوں اور سلامتی کو لاحق خطرات کی شدید مذمت کرتے ہوئے عالمی برادری سے مطالبہ کیا ہے کہ وہ حوثیوں کی ان کارروائیوں کو مسترد کرے۔

وزیر خارجہ نے اقوام متحدہ کی جنرل اسمبلی سے خطاب میں یمن میں استحکام اور شہریوں کے تحفظ کی اہمیت پر زور دیا۔

عراق کے حوالے سے وزیر خارجہ نے کہا کہ سعودی عرب عراقی حکومت کی اس پالیسی کی حمایت کرتا ہے جس کے تحت اسلحہ صرف ریاست کے پاس ہونا چاہیے، اور انہوں نے کہا کہ توانائی کی فراہمی کا استحکام مشترکہ ذمہ داری ہے جس کے لیے عالمی تعاون ضروری ہے۔

شام کے بارے میں وزیر خارجہ نے شام کو دہشت گردی کی سرپرست ریاستوں کی فہرست سے نکالنے کے اعلان کا خیرمقدم کیا اور کہا کہ سعودی عرب شام کے استحکام کو نقصان پہنچانے والی کسی بھی خلاف ورزی کو مسترد کرتا ہے۔

انہوں نے مزید کہا کہ سوڈان کے بحران کا حل ریاستی اداروں کی خودمختاری کے احترام کے ساتھ ہونا چاہیے۔