مکہ مکرمہ کی حرمت کو خطرہ ناقابل قبول ہے: ملائیشین وزیراعظم

ملائیشیا کے وزیراعظم انور ابراہیم نے کہا ہے کہ مکہ مکرمہ، جو اسلام کا مقدس ترین شہر ہے، اس کی سلامتی اور حرمت کو خطرے میں ڈالنے کی کسی بھی کوشش کو ہرگز قبول نہیں کیا جا سکتا۔

انور ابراہیم نے سعودی عرب کی جانب سے حرم شریف کے زائرین اور رہائشیوں کے تحفظ کے لیے کیے گئے فوری اقدامات کو سراہتے ہوئے کہا کہ ملائیشیا اس پر گہری قدر دانی کا اظہار کرتا ہے۔

وزیراعظم ملائیشیا نے شہری مقامات پر حملے فوری طور پر روکنے اور مقدس مقامات کو کسی بھی خطرے سے بچانے کے لیے ہر قسم کے اقدام سے گریز کرنے کی اپیل کی۔