سعودی و عمانی وزرائے خارجہ کا علاقائی صورتحال اور آبنائے ہرمز پر تبادلہ خیال

سعودی وزیر خارجہ شہزادہ فیصل بن فرحان بن عبداللہ کو سلطنت عمان کے وزیر خارجہ بدر بن حمد بن حمود البوسعيدی کی جانب سے ٹیلیفون موصول ہوا۔

دونوں وزرائے خارجہ نے اس موقع پر سعودی عرب اور عمان کے درمیان دوطرفہ تعلقات اور باہمی تعاون کے فروغ کے امکانات پر تبادلہ خیال کیا۔

اس کے علاوہ، دونوں رہنماؤں نے باہمی دلچسپی کے متعدد امور اور خطے کی تازہ ترین صورتحال پر بھی گفتگو کی۔

فریقین نے خطے میں امن و استحکام کے تحفظ اور آبنائے ہرمز میں بحری نقل و حرکت کی آزادی کو یقینی بنانے کے لیے مشترکہ سفارتی کوششوں اور مسلسل مشاورت کی اہمیت پر زور دیا۔