اتحاد افواج نے مشرقی ریجن میں ڈرون طیارہ تباہ کر دیا

اتحاد افواج برائے حمایتِ حکومتِ یمن کے ترجمان بریگیڈیئر جنرل ترکی المالکی نے بتایا ہے کہ مشرقی ریجن میں ایک ڈرون طیارہ روکا اور تباہ کیا گیا ہے۔

اس سے قبل بریگیڈیئر جنرل ترکی المالکی نے اعلان کیا تھا کہ سعودی فضائی دفاع نے حوثی ملیشیا کی جانب سے ریاض کی طرف داغا گیا ایک بیلسٹک میزائل بھی مار گرایا اور تباہ کر دیا۔

ترجمان اتحاد افواج کا مزید کہنا تھا کہ سعودی فضائی دفاع نے حوثی ملیشیا کی طرف سے ریاض کی سمت داغا گیا ایک کروز میزائل بھی روکا اور تباہ کیا۔