ولی عہد کی چینی صدر کو دوطرفہ تعلقات پر پیغام

سعودی ولی عہد اور وزیراعظم شہزادہ محمد بن سلمان بن عبدالعزیز نے چین کے صدر شی جن پنگ کے نام ایک پیغام ارسال کیا ہے۔

یہ پیغام سعودی عرب اور چین کے درمیان دوطرفہ تعلقات اور ان کے فروغ کے امکانات کے علاوہ باہمی دلچسپی کے امور سے متعلق تھا۔

یہ پیغام وزیر مملکت، رکن کابینہ اور قومی سلامتی کے مشیر ڈاکٹر مساعد بن محمد العیبان نے بیجنگ میں چینی کمیونسٹ پارٹی کی مرکزی کمیٹی کے سیاسی دفتر کے رکن اور خارجہ امور کمیٹی کے ڈائریکٹر و وزیر خارجہ وانگ یی سے ملاقات کے دوران پہنچایا۔