سعودی عرب کے مختلف علاقوں میں آج موسلا دھار بارش اور سیلاب کا خدشہ

قومی مرکز برائے موسمیات نے اپنے پیر 10 ربیع الآخر 1448 ہجری بمطابق 21 ستمبر 2026 کے رپورٹ میں بتایا ہے کہ آج بھی جازان، عسیر، الباحہ اور مکہ مکرمہ کے کچھ حصوں میں درمیانے سے شدید بارشیں متوقع ہیں، جو سیلابی ریلوں اور ژالہ باری کا سبب بن سکتی ہیں۔

رپورٹ کے مطابق مدینہ منورہ کے بعض حصوں میں ہلکی سے درمیانی بارش کا امکان ہے، جبکہ ان علاقوں سمیت ریاض، حائل، تبوک، الجوف اور شمالی سرحدی علاقوں میں گرد آلود ہوائیں چلنے کی توقع ہے۔

سمندر اور ہواؤں کی صورتحال

مرکز نے بتایا کہ بحیرہ احمر میں سطحی ہوائیں شمال مغرب سے شمال کی سمت 20 سے 40 کلومیٹر فی گھنٹہ کی رفتار سے چلیں گی، جبکہ لہروں کی اونچائی ڈیڑھ سے دو میٹر تک رہے گی اور سمندر کی کیفیت درمیانی ہوگی۔

خلیج عرب میں ہوائیں شمال سے شمال مغرب کی سمت 10 سے 30 کلومیٹر فی گھنٹہ کی رفتار سے چلیں گی، لہروں کی اونچائی آدھے میٹر سے ایک میٹر تک ہوگی اور سمندر ہلکی موجوں والا رہے گا۔