نیشنل سیکیورٹی آپریشنز سینٹر کو اکتوبر میں 30 لاکھ سے زائد ہنگامی کالز موصول

نیشنل سیکیورٹی آپریشنز سینٹر نے اعلان کیا ہے کہ اسے اکتوبر 2026 کے دوران مکہ مکرمہ، مدینہ منورہ، ریاض اور مشرقی ریجن میں ہنگامی نمبر 911 پر مجموعی طور پر 3,007,723 کالز موصول ہوئیں۔

مرکز کے مطابق مکہ مکرمہ ریجن میں 960,156، مدینہ منورہ میں 249,901، ریاض میں 1,222,099 اور مشرقی ریجن میں 575,567 کالز ریکارڈ کی گئیں۔

یہ خدمات متحدہ آپریشنز سینٹرز (911) کی ذمہ داریوں کا حصہ ہیں، جن میں کالز وصول کرنا اور انہیں متعلقہ سیکیورٹی و سروس اداروں تک منتقل کرنا شامل ہے۔ اس مقصد کے لیے جدید خودکار نظام اور کئی زبانوں پر عبور رکھنے والی ماہر ٹیم چوبیس گھنٹے کام کرتی ہے۔