حجاج کی خدمات پر مامور عملے کی تربیت کے لیے 11 خصوصی پروگرام

مرکز تربیت برائے خدمت ضیوف الرحمن کے مشرف محمد قلیص نے کہا ہے کہ 30 سے زائد ماہر ٹرینرز 11 مختلف تربیتی پروگراموں کے ذریعے حجاج کے امور سے وابستہ عملے اور قافلہ سربراہان کی تربیت فراہم کر رہے ہیں۔

انہوں نے الاخباریہ چینل سے گفتگو میں بتایا کہ ان تربیتی پروگراموں میں نقل و حمل، قافلوں کی رہنمائی، رہائش، خوراک، صحت اور آگاہی جیسے شعبے شامل ہیں۔

محمد قلیص کے مطابق تربیت کے تین بنیادی اجزا ہیں: 30 فیصد حصہ معلومات اور تصورات پر مشتمل ہے، 40 فیصد آپریشنل مواد پر مبنی ہے جو حج کے عملی حالات کی عکاسی کرتا ہے، جبکہ 30 فیصد حصہ عملی مشقوں اور اطلاقی منظرناموں پر مشتمل ہے۔

واضح رہے کہ وزارت حج و عمرہ نے جدہ میں حج 1448 ہجری کے سیزن کے لیے حجاج کے امور سے متعلق دفاتر کے اراکین اور قافلہ سربراہان کی تربیت کے پروگرام کا پہلا مرحلہ شروع کر دیا ہے۔

اعرض التغريدة على منصة X