تبوک میں ماحولیاتی قوانین کی خلاف ورزی پر دو افراد گرفتار

خصوصی سکیورٹی اور تحفظ فورسز نے تبوک ریجن میں ماحولیاتی نظام کی خلاف ورزی پر ایک سعودی شہری اور ایک پاکستانی مقیم کو گرفتار کیا ہے، جو علاقے میں ریت اور مٹی کے ذخائر کا استحصال کر رہے تھے۔

فورسز کے مطابق کارروائی کے دوران ریت کی نقل و حمل اور زمین کی کھدائی میں استعمال ہونے والی دو مشینیں بھی ضبط کی گئیں۔

فورسز نے واضح کیا کہ دونوں ملزمان کے خلاف قانونی کارروائی عمل میں لائی گئی ہے۔ شہریوں سے اپیل کی گئی ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور مملکت کے دیگر علاقوں میں 999 یا 996 پر دیں۔ اطلاع دہندگان کی شناخت صیغہ راز میں رکھی جائے گی اور ان پر کوئی ذمہ داری عائد نہیں ہو گی۔