جازان میں 8 ایتھوپیائی باشندے قات اسمگلنگ پر گرفتار

جازان ریجن میں بارڈر گارڈز کی زمینی گشتی ٹیموں نے سرحدی سلامتی کے قوانین کی خلاف ورزی کرنے والے 8 ایتھوپیائی باشندوں کو 160 کلو گرام نشہ آور قات اسمگل کرنے کے الزام میں گرفتار کر لیا۔

بارڈر گارڈز کی زمینی ٹیموں نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی کی گئی ہے اور انہیں مزید تفتیش کے لیے پبلک پراسیکیوشن کے حوالے کر دیا گیا ہے۔

سکیورٹی حکام نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا اس کی فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، ریاض اور مشرقی ریجن میں 911 اور باقی علاقوں میں 999 پر رابطہ کریں، جبکہ جنرل ڈائریکٹوریٹ آف نارکوٹکس کنٹرول کے لیے 995 یا ای میل [email protected] پر اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا۔