سعودی عرب اور قازقستان میں انسداد بدعنوانی کا معاہدہ

سعودی عرب، جس کی نمائندگی ہیئۃ الرقابہ و مکافحت الفساد نے کی، اور جمہوریہ قازقستان، جس کی نمائندگی کمیٹی برائے قومی سلامتی نے کی، نے آج ریاض میں انسداد بدعنوانی اور اس کی روک تھام کے لیے تعاون بڑھانے کی غرض سے ایک مفاہمتی یادداشت پر دستخط کیے۔

سعودی عرب کی جانب سے اس یادداشت پر دستخط ہیئۃ الرقابہ و مکافحت الفساد کے سربراہ مازن بن ابراہیم الکهموس نے کیے، جبکہ قازقستان کی طرف سے کمیٹی برائے قومی سلامتی کے سربراہ ارمیک صاغمیبایف نے دستخط کیے۔ اس موقع پر سعودی عرب کے سفیر برائے قازقستان، فیصل بن حنیف القحطانی بھی موجود تھے۔

اس مفاہمتی یادداشت کا مقصد سرحد پار بدعنوانی کے جرائم کے خلاف تعاون کو فروغ دینا، بدعنوانی سے متعلق معلومات کا تبادلہ اور دونوں ممالک کی ادارہ جاتی صلاحیتوں کو مضبوط بنانا ہے۔

ملاقات میں سعودی عرب اور قازقستان کے درمیان دوطرفہ تعلقات کا جائزہ لیا گیا اور دیانت داری کے تحفظ اور انسداد بدعنوانی کے شعبے میں مشترکہ تعاون کے فروغ کے طریقوں پر تبادلہ خیال کیا گیا۔

دونوں فریقین نے ہیئۃ الرقابہ و مکافحت الفساد کی جانب سے شفافیت کے فروغ اور دیانت داری کے تحفظ کے لیے کیے گئے اقدامات کے ساتھ ساتھ اس شعبے میں قازقستان کے تجربات کا بھی جائزہ لیا۔