سعودی عرب کے مختلف علاقوں میں آج تیز بارش اور گرد آلود ہوائیں متوقع

محکمہ موسمیات نے آج کے موسم کی رپورٹ میں پیش گوئی کی ہے کہ جازان، عسیر، الباحہ اور مکہ مکرمہ کے بعض حصوں میں شدید گرج چمک کے ساتھ بارشیں ہوں گی، جس سے سیلابی صورتحال پیدا ہو سکتی ہے اور ژالہ باری بھی متوقع ہے۔ مشرقی ریجن، ریاض، مدینہ منورہ کے جنوبی حصوں اور نجران کے کچھ علاقوں میں ہلکی سے درمیانے درجے کی بارشیں متوقع ہیں۔ ان علاقوں سمیت حائل، تبوک اور الجوف کے بعض حصوں میں گرد آلود تیز ہوائیں بھی چلیں گی۔

رپورٹ کے مطابق بحیرہ احمر کے شمالی حصے میں سطحی ہوائیں شمال مغربی سے مغربی سمت میں 10 سے 34 کلومیٹر فی گھنٹہ کی رفتار سے چلیں گی، جبکہ درمیانی اور جنوبی حصوں میں یہ رفتار 10 سے 30 کلومیٹر فی گھنٹہ ہوگی، جو گرج چمک کے ساتھ بارش کے دوران 50 کلومیٹر فی گھنٹہ تک پہنچ سکتی ہے۔ شمالی حصے میں موجوں کی اونچائی آدھے میٹر سے ڈیڑھ میٹر تک جبکہ درمیانی اور جنوبی حصوں میں آدھے میٹر سے دو میٹر سے زائد تک جا سکتی ہے۔ شمالی حصے میں سمندر کی حالت ہلکی سے درمیانی، جبکہ درمیانی اور جنوبی حصوں میں گرج چمک کے ساتھ بارش کے دوران سمندر میں تلاطم آ سکتا ہے۔

خلیج عرب میں ہوائیں شمال مغربی سے شمال مشرقی سمت میں 15 سے 30 کلومیٹر فی گھنٹہ کی رفتار سے شمالی اور درمیانی حصوں میں چلیں گی، جبکہ جنوبی حصے میں شمال مشرقی سے جنوب مشرقی سمت میں 10 سے 25 کلومیٹر فی گھنٹہ کی رفتار سے ہوں گی۔ شمالی اور درمیانی حصوں میں موجوں کی اونچائی آدھے میٹر سے ڈیڑھ میٹر تک اور جنوبی حصے میں آدھے میٹر سے ایک میٹر تک رہے گی۔ شمالی اور درمیانی حصوں میں سمندر کی حالت ہلکی سے درمیانی، جبکہ جنوبی حصے میں ہلکی رہے گی۔