سعودی بیرونی رضا کارانہ خدمات عالمی مثال بن گئیں

مرکز شاہ سلمان برائے امداد کے ترجمان ڈاکٹر سامر الجطیلی نے کہا ہے کہ سعودی بیرونی رضا کارانہ سرگرمیاں اب عالمی سطح پر ایک نمایاں نمونہ بن چکی ہیں اور اس کے انسانی و طبی پروگرام 59 ممالک تک پہنچ چکے ہیں۔

انہوں نے الاخباریہ چینل سے گفتگو میں مزید بتایا کہ سعودی بیرونی رضا کارانہ پروگراموں کے ذریعے دنیا بھر میں 28 لاکھ 34 ہزار سے زائد افراد کو خدمات فراہم کی گئی ہیں۔

الجطیلی کا کہنا تھا کہ انڈونیشیا میں بچوں کے دل کی سرجری کا منصوبہ شروع کرنے سے قبل بھی درجنوں طبی رضا کارانہ پروگرام منعقد کیے جا چکے ہیں۔

واضح رہے کہ مرکز شاہ سلمان برائے امداد و انسانی خدمات نے چند روز قبل انڈونیشیا کے صوبہ مغربی سماٹرا کے شہر پادانگ میں بچوں کے دل کی سرجری کے لیے طبی رضا کارانہ منصوبہ شروع کیا ہے، جو 24 سے 31 جولائی 2026 تک جاری رہے گا اور اس میں مختلف طبی شعبوں سے 16 رضا کار حصہ لے رہے ہیں۔

اعرض التغريدة على منصة X