مرکز شاہ سلمان برائے امداد کا غزہ میں 24 ہزار 500 کھانے تقسیم

مرکز شاہ سلمان برائے امداد و انسانی خدمات کے مرکزی کچن نے گزشتہ روز غزہ کے وسطی اور جنوبی علاقوں میں سب سے زیادہ ضرورت مند افراد میں 24 ہزار 500 گرم کھانے تقسیم کیے، جن سے 24 ہزار 500 افراد نے استفادہ کیا۔ یہ اقدام سعودی عوام کی جانب سے فلسطینی بھائیوں کی امداد کے لیے جاری مہم کے تحت کیا گیا۔

یہ امداد مملکت کی انسانی خدمات کا تسلسل ہے، جو مرکز شاہ سلمان برائے امداد کے ذریعے فراہم کی جا رہی ہیں، تاکہ فلسطینی عوام کی مشکلات کم کی جا سکیں اور موجودہ انسانی بحران میں متاثرہ خاندانوں کی مدد کی جا سکے۔