زکوٰۃ و ٹیکس اتھارٹی کی نئی ڈیجیٹل سروس 'مستشار الأعمال' متعارف

سعودی زکوٰۃ، ٹیکس اور کسٹمز اتھارٹی نے 'مستشار الأعمال' کے نام سے نئی الیکٹرانک سروس متعارف کرائی ہے، جو کاروباری افراد کو اپنی زکوٰۃ، ٹیکس اور کسٹمز سے متعلق ذمہ داریوں کی فوری اور خودکار معلومات فراہم کرتی ہے، جس سے قوانین و ضوابط کی پاسداری میں بہتری اور کاروباری فیصلوں میں سہولت ملے گی۔

اتھارٹی نے اپنے سرکاری بیان میں کہا کہ اس سروس کا مقصد کاروباری افراد، درآمد کنندگان، برآمد کنندگان اور کسٹمز کلیئرنگ ایجنٹس کو ان کے کاروباری سرگرمیوں سے متعلق قانونی ذمہ داریوں سے آگاہ کرنا ہے، تاکہ زکوٰۃ، ٹیکس اور کسٹمز کے تقاضوں سے متعلق آگہی بڑھے اور کاروبار کے آغاز یا توسیع کے ابتدائی مراحل ہی سے قوانین کی پاسداری میں اضافہ ہو۔

اتھارٹی کے مطابق 'مستشار الأعمال' سروس میں صارف اپنی کاروباری سرگرمی سے متعلق معلومات درج کرتا ہے، جس کے بعد نظام ان معلومات کا تجزیہ کرکے فوری طور پر زکوٰۃ، ٹیکس اور کسٹمز کی متعلقہ ذمہ داریاں ظاہر کرتا ہے، ساتھ ہی رہنمائی فراہم کرتا ہے تاکہ صارف تقاضوں کو بہتر طور پر سمجھ سکے اور اپنے کاروبار کی نوعیت کے مطابق درست فیصلے کر سکے۔

اتھارٹی نے مزید کہا کہ یہ سروس ایک آسان الیکٹرانک تجربہ فراہم کرتی ہے، جس سے صارفین اپنی قانونی ذمہ داریوں کو واضح اور تیز انداز میں جان سکتے ہیں، اس طرح وقت اور محنت کی بچت کے ساتھ ساتھ زکوٰۃ، ٹیکس اور کسٹمز کے قوانین و ضوابط سے متعلق آگہی اور رضاکارانہ پاسداری میں اضافہ ہوتا ہے۔

اتھارٹی نے اس بات پر بھی زور دیا کہ 'مستشار الأعمال' سروس کا اجرا اس کی ڈیجیٹل خدمات کی مسلسل بہتری، مکلفین میں آگہی کے فروغ اور زکوٰۃ، ٹیکس و کسٹمز سے متعلق قوانین کو سمجھنے میں آسانی فراہم کرنے کی کوششوں کا حصہ ہے، تاکہ صارفین کو بہتر معلومات مل سکیں اور وہ اپنی ذمہ داریاں آسانی اور مؤثر انداز میں پوری کر سکیں۔

زکوٰۃ و ٹیکس اتھارٹی کے مطابق صارفین اس سروس سے اس کے سرکاری ویب سائٹ پر استفادہ کر سکتے ہیں۔ اس کے لیے سروس پیج پر جائیں، مطلوبہ معلومات درج کریں اور 'استعلام' کے آپشن پر کلک کریں، جس کے بعد نظام فوری طور پر کاروباری سرگرمی سے متعلق زکوٰۃ، ٹیکس اور کسٹمز کی ذمہ داریاں ظاہر کر دے گا، جس سے تقاضوں کو جاننا آسان ہو جائے گا۔

ایکس پر اصل پوسٹ دیکھیں