سعودی عرب میں آج بھی شدید گرمی اور گرد آلود ہوائیں متوقع

محکمہ موسمیات نے اپنی روزانہ رپورٹ میں بتایا ہے کہ آج ہفتہ، 2 اگست 2026 کو مشرقی اور ریاض ریجن سمیت مکہ مکرمہ کے بعض حصوں میں زیادہ سے زیادہ درجہ حرارت میں اضافہ برقرار رہے گا۔

محکمہ نے واضح کیا کہ ان علاقوں کے علاوہ نجران کے کچھ حصوں میں بھی گرد اور غبار اٹھانے والی تیز ہوائیں چلیں گی، جس سے جازان جانے والی ساحلی شاہراہ پر حد نگاہ کم یا بالکل ختم ہو سکتی ہے۔

اسی حوالے سے رپورٹ میں بتایا گیا کہ مملکت کے مغربی اور جنوب مغربی حصے بھی گرد آلود فضا سے متاثر ہوں گے، جبکہ جنوبی علاقوں میں گرج چمک کے ساتھ بارش کے امکانات ہیں۔

سمندر اور ہواؤں کی صورتحال

رپورٹ کے مطابق بحیرہ احمر کے شمالی حصے میں سطحی ہوائیں شمال مغرب سے شمال مشرق کی سمت 10 سے 32 کلومیٹر فی گھنٹہ کی رفتار سے چلیں گی، جبکہ درمیانی اور جنوبی حصے میں جنوب مغرب سے شمال مغرب کی سمت 25 سے 45 کلومیٹر فی گھنٹہ کی رفتار سے، اور گرج چمک کے ساتھ بارش کی صورت میں یہ رفتار 50 کلومیٹر فی گھنٹہ سے تجاوز کر سکتی ہے۔

موجوں کی اونچائی شمالی حصے میں آدھا میٹر سے ایک میٹر، جبکہ درمیانی اور جنوبی حصے میں ایک سے دو میٹر تک رہے گی، اور جنوبی حصے میں گرج چمک کے ساتھ بارش کے دوران دو میٹر سے زیادہ بھی ہو سکتی ہے۔ شمالی حصے میں سمندر ہلکی لہروں والا، جبکہ درمیانی اور جنوبی حصے میں درمیانی لہروں والا رہے گا، اور جنوبی حصے میں گرج چمک کے ساتھ بارش کے دوران سمندر میں شدید موجیں اٹھ سکتی ہیں۔

خلیج عرب میں ہوائیں شمال مشرق سے جنوب مغرب کی سمت شمالی حصے میں، اور شمال مغرب سے جنوب مغرب کی سمت درمیانی و جنوبی حصوں میں 10 سے 28 کلومیٹر فی گھنٹہ کی رفتار سے چلیں گی۔ موجوں کی اونچائی آدھا میٹر سے ایک میٹر تک رہے گی اور سمندر ہلکی لہروں والا ہوگا۔