سعودی قیادت کی صدر قبرص کو یوم آزادی پر مبارکباد

خادم الحرمین الشریفین شاہ سلمان بن عبدالعزیز آل سعود نے صدر جمہوریہ قبرص نیکوس کرسٹودولیدس کو یوم آزادی کے موقع پر تہنیتی پیغام بھیجا ہے۔

شاہ سلمان نے صدر قبرص کے لیے صحت و خوشی اور قبرص کی حکومت و عوام کے لیے ترقی و خوشحالی کی نیک تمناؤں کا اظہار کیا۔

اسی طرح شہزادہ محمد بن سلمان بن عبدالعزیز آل سعود نے بھی صدر نیکوس کرسٹودولیدس کو یوم آزادی پر مبارکباد کا پیغام بھیجا۔

شہزادہ محمد بن سلمان نے صدر قبرص کے لیے صحت و خوشی اور قبرص کی حکومت و عوام کے لیے مزید ترقی و خوشحالی کی دعا کی۔