نوزائیدہ بچوں کے لیے بروقت طبی جانچ کی اہمیت: صحت عامہ اتھارٹی

سعودی صحت عامہ اتھارٹی نے نوزائیدہ بچوں میں بروقت طبی جانچ کی اہمیت پر زور دیا ہے۔ اتھارٹی کے مطابق پیدائش کے 24 سے 72 گھنٹے کے اندر کیے جانے والے اس ٹیسٹ سے متعدد موروثی امراض کی جلد تشخیص ممکن ہوتی ہے اور بروقت علاج کی راہ ہموار ہوتی ہے۔

اتھارٹی نے ایکس پلیٹ فارم پر بتایا کہ اس ٹیسٹ کے ذریعے 23 مختلف موروثی امراض کی جلد تشخیص کی جاتی ہے، جن میں استقلاب، غدود اور خون کی بیماریاں شامل ہیں۔ اس سے علاج جلد شروع کیا جا سکتا ہے اور معذوری یا موت سے بچاؤ میں مدد ملتی ہے۔

اتھارٹی نے مزید کہا کہ یہ ٹیسٹ پیدائش کے 24 سے 72 گھنٹے بعد کیا جاتا ہے اور یہ مملکت میں ہر نوزائیدہ بچے کے لیے لازمی ہے، چاہے خاندان میں موروثی بیماری کی کوئی تاریخ نہ ہو۔

اعرض التغريدة على منصة X