جدہ اور تبوک میں منشیات فروشی پر دو شہری گرفتار

سعودی محکمہ انسداد منشیات نے جدہ میں ایک شہری کو چالیس کلو گرام حشیش فروخت کرنے کے الزام میں گرفتار کر لیا ہے۔ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

اعرض التغريدة على منصة X

اسی طرح تبوک ریجن میں بھی ایک شہری کو تیرہ ہزار چھ سو نوے نشہ آور ایمفیٹامین گولیاں فروخت کرنے کے الزام میں گرفتار کیا گیا ہے۔ اسے بھی حراست میں لے کر قانونی کارروائی کے بعد پبلک پراسیکیوشن کے سپرد کر دیا گیا ہے۔

اعرض التغريدة على منصة X

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی اطلاع کے لیے مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 یا 994 پر رابطہ کریں۔ اس کے علاوہ انسداد منشیات کے ادارے کے ہیلپ لائن نمبر 995 یا ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔