مصری اور سعودی سرحدی سیکیورٹی میں تعاون جاری

مصری بارڈر گارڈز کے سربراہ نے العربیہ سے گفتگو میں کہا کہ ہم سعودی عرب کے ساتھ مشترکہ سرحدوں اور خلیج عقبہ کے علاقے کی سیکیورٹی کے لیے تعاون اور معلومات کا تبادلہ کر رہے ہیں۔

انہوں نے مزید کہا کہ اس حوالے سے باقاعدہ ملاقاتیں ہوتی ہیں، ہم نے سیناء میں بڑے چیلنجز کا سامنا کیا اور ہر سمت سے مصری سرحدوں کی حفاظت کو یقینی بنایا ہے۔

مصری بارڈر گارڈز کے سربراہ نے مزید بتایا کہ ہم نے اپنی سرحدوں پر غیر قانونی ہجرت کا مکمل خاتمہ کیا، مغربی سمت پر کنٹرول مضبوط بنایا، اسمگلنگ اور دراندازی کی روک تھام کے لیے حکمت عملی کو اپ ڈیٹ کیا اور سونے کی غیر قانونی تلاش کے خلاف بھی سخت اقدامات کیے ہیں۔