ازبکستان کی سعودی عرب پر دہشت گرد حملوں کی شدید مذمت

ازبکستان کی وزارت خارجہ نے مشرق وسطیٰ کی صورتحال، خصوصاً سعودی عرب کی سرزمین پر ہونے والے حملوں پر گہری تشویش کا اظہار کیا ہے۔
وزارت نے شہریوں، سول تنصیبات اور توانائی کے مراکز پر کسی بھی قسم کی جارحیت کی شدید مذمت کرتے ہوئے کہا کہ ایسے اقدامات خطے کے ممالک اور عالمی بحری راستوں کے امن کے لیے خطرہ ہیں۔

بیان میں بین الاقوامی قوانین کی مکمل پاسداری، ریاستوں کی خودمختاری اور علاقائی سالمیت کے احترام پر زور دیتے ہوئے کہا گیا کہ تمام تنازعات کا حل صرف سیاسی اور سفارتی طریقوں، مکالمے اور باہمی احترام کی بنیاد پر ہونا چاہیے۔

وزارت نے اقوام متحدہ اور خطے کے ممالک کی جانب سے کشیدگی کم کرنے، تنازع کے پھیلاؤ کو روکنے اور مشرق وسطیٰ میں پائیدار امن کے قیام کی کوششوں کی حمایت کی ہے۔