مکہ میں شہری گرفتار، گاڑی سے منشیات اور نشہ آور گولیاں برآمد

مکہ مکرمہ ریجن میں خصوصی روڈ سکیورٹی فورس نے ایک شہری کو گرفتار کیا ہے جس پر الزام ہے کہ وہ اپنی گاڑی میں 9 کلو گرام چرس اور 14,733 ایسی گولیاں چھپا کر لے جا رہا تھا جو طبی نگرانی کے تحت آتی ہیں۔

سعودی پبلک سکیورٹی نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ، ریاض اور مشرقی ریجن میں (911) اور مملکت کے دیگر علاقوں میں (999) پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کے نمبر (995) یا ای میل [email protected] پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا۔

ایکس پر اصل پوسٹ دیکھیں