نجران میں منشیات فروشی پر دو شہری اور یمنی مقیم گرفتار

نجران میں منشیات کے انسداد کی جنرل ڈائریکٹوریٹ نے دو سعودی شہریوں اور ایک یمنی مقیم کو پانچ کلوگرام چرس فروخت کرنے کے الزام میں گرفتار کیا ہے۔

محکمہ انسداد منشیات نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیمین سے اپیل کی ہے کہ اگر منشیات کی اسمگلنگ یا فروخت سے متعلق کوئی معلومات ہوں تو مکہ مکرمہ، ریاض اور مشرقی ریجن میں (911) اور دیگر علاقوں میں (999) پر اطلاع دیں، یا جنرل ڈائریکٹوریٹ برائے انسداد منشیات کے نمبر (995) اور ای میل [email protected] پر رابطہ کریں۔ تمام اطلاعات کو مکمل رازداری کے ساتھ نمٹایا جائے گا۔