اتحادی افواج نے ریاض کی سمت داغے گئے دو بیلسٹک میزائل تباہ کر دیے

اتحادی افواج برائے حمایتِ حکومتِ یمن کے ترجمان بریگیڈیئر جنرل ترکی المالکی نے بتایا کہ فضائی دفاع نے حوثی دہشت گرد ملیشیا کی جانب سے ریاض کی سمت داغے گئے دو بیلسٹک میزائلوں کو کامیابی سے روک کر تباہ کر دیا۔

اس سے قبل محکمہ شہری دفاع نے ریاض میں ممکنہ خطرے کے پیش نظر انتباہ جاری کیا تھا، جو بعد میں ختم کر دیا گیا۔

اس سے پہلے بھی بریگیڈیئر جنرل ترکی المالکی نے بتایا تھا کہ مشرقی ریجن میں دو ڈرون طیاروں کو بھی تباہ کیا گیا ہے۔