سعودی عرب کا یمن کی مکمل حمایت اور حوثی حملوں کی مذمت

سعودی ولی عہد اور وزیر اعظم شہزادہ محمد بن سلمان نے یمن کے لیے سعودی عرب کی مکمل حمایت کا اعادہ کیا ہے۔ انہوں نے کہا کہ سعودی عرب، یمن کی حکومت کی قانونی حیثیت کی بحالی اور ملک میں استحکام کے لیے اتحادی ممالک کے ساتھ کھڑا ہے، اور حوثی دہشت گرد ملیشیا کی جانب سے کیے جانے والے حملوں اور خطے میں بدامنی پھیلانے کی کوششوں کا بھرپور مقابلہ کرے گا۔

انہوں نے مجلس شوریٰ کے نویں سیشن کے تیسرے سال کے آغاز پر اپنے خطاب میں مزید کہا کہ سعودی عرب، سوڈان کی وحدت، استحکام اور اس کی قانونی اداروں کے تحفظ کے لیے اپنے اصولی موقف پر قائم ہے اور سوڈانی عوام کو جنگ و تباہی سے بچانے کے لیے کوشاں ہے۔

شہزادہ محمد بن سلمان نے مزید کہا: "ہم کشیدگی میں کمی اور سفارتی حل کی حمایت کے لیے ہر ممکن کوشش کر رہے ہیں، تاہم اپنے ملک کی سلامتی کے تحفظ میں کوئی سمجھوتہ نہیں کریں گے اور کسی بھی خطرے یا حملے کی صورت میں بھرپور جواب دیں گے۔"