سعودی عرب کے مختلف علاقوں میں بارش اور تیز ہوائیں متوقع

محکمہ موسمیات نے اپنی روزانہ رپورٹ میں بتایا ہے کہ آج جازان، عسیر، الباحہ اور مکہ مکرمہ کے جنوبی حصوں سمیت مشرقی ریجن کے بعض علاقوں میں گرج چمک کے ساتھ بارش، ژالہ باری اور تیز ہوائیں متوقع ہیں۔

رپورٹ میں مزید کہا گیا ہے کہ ان علاقوں کے علاوہ شمالی سرحدی ریجن اور الجوف کے بعض حصوں میں بھی دھند چھا سکتی ہے۔

محکمہ موسمیات کے مطابق بحیرہ احمر میں سطحی ہوائیں شمال مغرب سے شمال کی سمت 12 سے 32 کلومیٹر فی گھنٹہ کی رفتار سے چلیں گی، جبکہ جنوبی حصے میں شام کے وقت یہ ہوائیں شمال مشرقی یا جنوب مشرقی سمت میں 12 سے 32 کلومیٹر فی گھنٹہ کی رفتار سے چلیں گی، جو باب المندب کی سمت 40 کلومیٹر فی گھنٹہ تک پہنچ سکتی ہیں۔ شمالی اور وسطی حصے میں موجوں کی اونچائی آدھے میٹر سے ڈیڑھ میٹر تک رہے گی، جبکہ جنوبی حصے میں باب المندب کی سمت یہ دو میٹر سے بھی زیادہ ہو سکتی ہے۔ شمالی اور وسطی حصے میں سمندر کی کیفیت ہلکی سے درمیانی موجوں والی، جبکہ جنوبی حصے میں باب المندب کی سمت یہ درمیانی سے تیز موجوں والی ہو سکتی ہے۔

خلیج عرب کے حوالے سے رپورٹ میں بتایا گیا ہے کہ یہاں ہوائیں جنوب مشرقی سے شمال مشرقی سمت میں 10 سے 32 کلومیٹر فی گھنٹہ کی رفتار سے چلیں گی، جو شمالی حصے میں گرج چمک کے ساتھ بارش کے دوران 50 کلومیٹر فی گھنٹہ سے بھی تجاوز کر سکتی ہیں۔ جنوبی حصے میں ہوائیں شمال مشرقی سے شمال مغربی سمت میں 10 سے 28 کلومیٹر فی گھنٹہ کی رفتار سے چلیں گی۔ شمالی حصے میں موجوں کی اونچائی آدھے میٹر سے ڈیڑھ میٹر تک، جبکہ گرج چمک کے ساتھ بارش کے دوران دو میٹر سے بھی زیادہ ہو سکتی ہے۔ جنوبی حصے میں موجوں کی اونچائی آدھے میٹر سے ایک میٹر تک رہے گی۔ شمالی حصے میں سمندر کی کیفیت ہلکی سے تیز موجوں والی، جبکہ جنوبی حصے میں ہلکی موجوں والی ہو گی۔