مشرقیہ اور باحہ میں منشیات فروش گرفتار، مقدمہ نیب کے سپرد

سعودی محکمہ انسداد منشیات نے اعلان کیا ہے کہ مشرقیہ ریجن میں ایک شہری کو نشہ آور ایمفیٹامین کے 1,280 گولیاں فروخت کرنے کے الزام میں گرفتار کیا گیا ہے۔ اسی طرح ایک اور کارروائی میں باحہ ریجن کے ضلع المخواہ میں سرحدی سیکیورٹی قوانین کی خلاف ورزی کرنے والے ایک ایتھوپیائی باشندے کو چرس اور ایمفیٹامین جیسی نشہ آور اشیا فروخت کرنے کے الزام میں حراست میں لیا گیا۔

محکمہ نے وضاحت کی کہ شہری کو گرفتار کرنے کے بعد اس کے خلاف قانونی کارروائی مکمل کر کے اسے نیب کے حوالے کر دیا گیا ہے۔ یہ کارروائی ایمفیٹامین کی 1,280 گولیاں فروخت کرنے پر کی گئی۔

اعرض التغريدة على منصة X

ایک الگ بیان میں محکمہ نے بتایا کہ باحہ کے ضلع المخواہ میں سرحدی قوانین کی خلاف ورزی کرنے والے ایتھوپیائی باشندے کو چرس اور ایمفیٹامین فروخت کرنے کے الزام میں گرفتار کیا گیا ہے۔ اس کے خلاف بھی قانونی کارروائی مکمل کر کے مقدمہ نیب کے سپرد کر دیا گیا ہے۔

اعرض التغريدة على منصة X

سکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی اطلاع پر فوری طور پر اطلاع دیں۔ مکہ مکرمہ، مدینہ منورہ، ریاض اور مشرقیہ میں 911، جبکہ باقی علاقوں میں 999 یا 994 پر رابطہ کریں، یا محکمہ انسداد منشیات کے نمبر 995 یا ای میل [email protected] پر اطلاع دیں۔ یقین دلایا گیا ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔