مکہ مکرمہ: جدہ میں بحری قوانین کی خلاف ورزی پر 4 افراد پکڑے گئے

مکہ مکرمہ ریجن کے شہر جدہ میں حرس الحدود کی ساحلی گشتی ٹیموں نے شہریوں اور یمنی باشندوں کو بحری سرگرمیوں کے لیے مقررہ سکیورٹی اور سیفٹی قوانین کی خلاف ورزی پر پکڑا۔ یہ افراد بغیر اجازت نامہ کے ماہی گیری اور ممنوعہ آلات کے استعمال میں ملوث پائے گئے۔ ان کے خلاف ضابطے کے مطابق کارروائی کی گئی اور متعلقہ اداروں سے رابطہ کیا گیا۔

حرس الحدود نے عوام سے اپیل کی ہے کہ وہ آبی حیات کے تحفظ سے متعلق قوانین اور ہدایات کی مکمل پابندی کریں اور اگر کسی کو ماحول یا قدرتی حیات کے خلاف کوئی خلاف ورزی نظر آئے تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 994 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔