سعودی ایئرلائن کے پائلٹ کی حوثی حملے میں ہلاکت

سعودی ایئرلائن نے جمعہ کو اپنے ایک پائلٹ کے انتقال پر افسوس کا اظہار کیا ہے اور تصدیق کی ہے کہ جمعرات کو ریاض کے کنگ خالد بین الاقوامی ایئرپورٹ پر حوثی حملے میں اس کا ایک طیارہ بھی متاثر ہوا۔

قومی ایئرلائن کی جانب سے جاری بیان میں کہا گیا کہ "ریاض کے کنگ خالد ایئرپورٹ پر پیش آنے والے واقعے کے نتیجے میں اس کے ایک ملازم کی شہادت ہوئی ہے"۔ مزید بتایا گیا کہ "حملے کے وقت طیارہ ایئرپورٹ پر کھڑا تھا اور اس میں کوئی مسافر موجود نہیں تھا، تاہم طیارہ متاثر ہوا"۔ ایک اور بیان میں کمپنی نے "طیارے کے کپتان حمود بن علی الکلثمی کے انتقال پر افسوس کا اظہار کیا، جو جمعرات کو اس واقعے کے نتیجے میں جاں بحق ہوئے"۔

واضح رہے کہ ایران کے حمایت یافتہ یمنی حوثیوں نے جمعرات کو کنگ خالد ایئرپورٹ پر تین بار میزائل حملے کرنے کا دعویٰ کیا تھا۔