جازان میں 1 لاکھ 39 ہزار سے زائد طبی گولیاں اسمگل کرنے کی کوشش ناکام

جازان ریجن کے الدائر سیکٹر میں بارڈر گارڈز کی زمینی گشتی ٹیموں نے 1 لاکھ 39 ہزار 950 ایسی گولیوں کی اسمگلنگ ناکام بنا دی جو طبی ضوابط کے تحت آتی ہیں۔

بارڈر گارڈز نے اپنے سرکاری ایکس اکاؤنٹ پر بتایا کہ ابتدائی قانونی کارروائی مکمل کر کے ضبط شدہ گولیاں متعلقہ ادارے کے حوالے کر دی گئی ہیں۔

سکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 اور 994 پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کے لیے 995 پر یا ای میل (Email :[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے کی کوئی ذمہ داری نہیں ہوگی۔