وزارت حج و عمرہ نے بیرون ملک حجاج کیلئے سروس کمپنیوں کی درجہ بندی جاری کی

شفافیت کے فروغ، خدمات کے معیار میں بہتری اور ضیوف الرحمن کے تجربے کو بلند کرنے کی کوششوں کے تحت وزارت حج و عمرہ نے 1447ھ کے حج سیزن میں بیرون ملک حجاج کو خدمات فراہم کرنے والی کمپنیوں کی درجہ بندی جاری کر دی ہے۔

وزارت نے اپنے ایکس اکاؤنٹ پر بتایا کہ اس جائزے میں ان کمپنیوں کو شامل کیا گیا ہے جو مکتبہ امور حجاج کے ساتھ، بیرون ملک حج ایجنسیوں کے ساتھ اور براہ راست حج ماڈل کے تحت کام کر رہی ہیں۔ کمپنیوں کو کارکردگی کی بنیاد پر تین درجات میں تقسیم کیا گیا: "نمایاں"، "بہت اچھا" اور "اچھا"۔

وزارت نے بتایا کہ درجہ بندی کے لیے 60٪ وزن تعمیل اور التزام جبکہ 40٪ خدمات کے معیار کو دیا گیا۔ اس عمل میں فیلڈ مانیٹرنگ، ڈیٹا، حجاج کی رائے اور اعتراضات کی وصولی و حل کو مدنظر رکھا گیا۔

وزارت نے اس بات پر زور دیا کہ کمپنیوں کی درجہ بندی ہر سال جائزے کی بنیاد پر اپ ڈیٹ کی جائے گی، جس سے سروس فراہم کرنے والوں میں مسابقت بڑھے گی، کارکردگی میں بہتری آئے گی اور آئندہ سیزن میں بیرون ملک حجاج کی خدمت کے نظام کو مزید ترقی ملے گی۔

اعرض التغريدة على منصة X