مکہ مکرمہ میں ماحولیاتی قوانین کی خلاف ورزی پر 8 غیر ملکی گرفتار

خصوصی فورس برائے ماحولیاتی تحفظ نے مکہ مکرمہ میں ماحولیاتی قوانین کی خلاف ورزی پر فلپائنی، پاکستانی، شامی اور یمنی باشندوں سمیت 8 غیر ملکیوں کو گرفتار کیا ہے، جو علاقے میں معدنی ذخائر کا غیر قانونی استحصال کر رہے تھے۔ ان کے خلاف ضابطے کے مطابق کارروائی کی گئی ہے۔

فورس کے مطابق، کارروائی کے دوران 6 بھاری مشینیں بھی ضبط کی گئیں جو مٹی کی کھدائی اور نقل و حمل میں استعمال ہو رہی تھیں۔ فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔