خادم الحرمین الشریفین کی امیر قطر کو خلیجی یورپی سربراہی اجلاس میں شرکت کی دعوت

خادم الحرمین الشریفین شاہ سلمان بن عبدالعزیز آل سعود نے امیر قطر شیخ تمیم بن حمد آل ثانی کے نام ایک تحریری پیغام بھیجا ہے، جس میں انہیں اکتوبر کے دوران سعودی عرب میں منعقد ہونے والے دوسرے خلیجی یورپی سربراہی اجلاس میں شرکت کی دعوت دی گئی ہے۔
یہ پیغام خادم الحرمین الشریفین کے سفیر برائے قطر، شہزادہ سعد بن منصور بن سعد نے قصر لوسیل میں امیر قطر سے ان کے دفتر میں ملاقات کے دوران پیش کیا۔
سفیر نے امیر قطر کو خادم الحرمین الشریفین کی جانب سے نیک خواہشات اور قطری عوام کے لیے مزید ترقی و خوشحالی کی تمنائیں بھی پہنچائیں۔
جواباً، امیر قطر نے بھی خادم الحرمین الشریفین کے لیے اپنی نیک تمنائیں اور سعودی عوام کے لیے مزید خوشحالی کی دعا دی۔
اس موقع پر دونوں ممالک کے درمیان برادرانہ تعلقات اور ان کے فروغ کے مختلف پہلوؤں پر بھی تبادلہ خیال کیا گیا۔