شام کی حوثیوں کے الزامات پر سعودی عرب سے یکجہتی

شام نے وزارت خارجہ و تارکین وطن کے جاری کردہ بیان میں حوثی ملیشیا کے عسکری ترجمان کی جانب سے سعودی عرب پر عائد کیے گئے الزامات اور بے بنیاد دعوؤں کی شدید مذمت کی ہے۔

شامی وزارت خارجہ نے واضح کیا کہ یہ بیانات سعودی عرب کے علاقائی کردار کو مسخ کرنے اور خطے میں امن و استحکام کے فروغ کی کوششوں کو سبوتاژ کرنے کی کوشش ہیں۔

بیان میں شام نے سعودی عرب کے ساتھ مکمل یکجہتی کا اعادہ کرتے ہوئے خطے میں امن و سلامتی کے قیام کے لیے مملکت کے مثبت اور کلیدی کردار کو سراہا۔

ایکس پر اصل پوسٹ دیکھیں

بیان میں مزید کہا گیا کہ سعودی عرب ہمیشہ علاقائی تنازعات کے سیاسی حل، مکالمے اور تعاون کے فروغ کے لیے کوشاں رہا ہے، جو خطے کے عوام کے مفاد اور استحکام کے لیے ضروری ہے۔