عسیر و جازان میں منشیات اسمگلنگ کی تین کوششیں ناکام

عسیر اور جازان کے علاقوں میں بارڈر گارڈز کی زمینی گشتی ٹیموں نے منشیات اسمگلنگ کی تین کوششیں ناکام بنائیں، جن میں 145 کلوگرام نشہ آور قات اور 22 کلوگرام حشیش ضبط کی گئی، جبکہ پانچ یمنی شہریوں کو سرحدی سیکیورٹی قوانین کی خلاف ورزی پر گرفتار کیا گیا۔

جازان کے العارضہ سیکٹر میں بارڈر گارڈز نے تین یمنی شہریوں کو 105 کلوگرام نشہ آور قات کے ساتھ گرفتار کیا، ان کے خلاف ابتدائی قانونی کارروائی مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا۔

عسیر کے الربوعہ سیکٹر میں بھی دو یمنی شہریوں کو 40 کلوگرام نشہ آور قات اسمگل کرنے کی کوشش پر گرفتار کیا گیا، ان کے خلاف بھی ابتدائی قانونی کارروائی مکمل کر کے انہیں اور منشیات کو متعلقہ ادارے کے سپرد کر دیا گیا۔

اسی طرح عسیر کے الربوعہ سیکٹر میں بارڈر گارڈز نے 22 کلوگرام حشیش اسمگل کرنے کی کوشش بھی ناکام بنائی، اور تمام قانونی کارروائی مکمل کر کے منشیات کو متعلقہ ادارے کے حوالے کر دیا گیا۔

سیکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی معلومات کی صورت میں مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 994 پر اطلاع دیں، یا پھر جنرل ڈائریکٹوریٹ آف نارکوٹکس کنٹرول کے نمبر 995 یا ای میل [email protected] پر رابطہ کریں۔

سیکیورٹی اداروں نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔