مدینہ منورہ میں ماحولیاتی قوانین کی خلاف ورزی پر دو افراد گرفتار

خصوصی فورس برائے ماحولیاتی تحفظ نے مدینہ منورہ میں پاکستانی اور یمنی باشندوں کو ماحولیاتی نظام کی خلاف ورزی اور قدرتی ذخائر کے استحصال کے الزام میں گرفتار کیا ہے۔

فورس کے مطابق کارروائی کے دوران مٹی کی کھدائی اور نقل و حمل میں استعمال ہونے والی دو مشینیں بھی ضبط کی گئیں، جبکہ ملزمان کے خلاف قانونی کارروائی عمل میں لائی جا رہی ہے۔

اسی حوالے سے فورس نے شہریوں پر زور دیا ہے کہ وہ ماحول یا جنگلی حیات کے خلاف کسی بھی خلاف ورزی کی اطلاع مکہ مکرمہ، مدینہ منورہ، ریاض اور مشرقی ریجن میں 911 پر، جبکہ دیگر علاقوں میں 999 یا 996 پر دیں۔

فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔