جازان: چار ایتھوپیائی شہری 100 کلوگرام منشیات سمیت گرفتار

جازان ریجن کے الدائر سیکٹر میں بارڈر گارڈز کی زمینی گشتی ٹیموں نے 100 کلوگرام ممنوعہ قات اسمگل کرنے کی کوشش ناکام بنا دی، اور اس دوران سرحدی سکیورٹی قوانین کی خلاف ورزی کرنے والے چار ایتھوپیائی شہریوں کو گرفتار کر لیا۔

گرفتار افراد کے خلاف ابتدائی قانونی کارروائی مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا۔

ایکس پر اصل پوسٹ دیکھیں

سکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی مشکوک سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کے نمبر (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہو گی۔