مکہ اور مدینہ میں درجہ حرارت 40 ڈگری، ابہا سب سے ٹھنڈا شہر

قومی مرکز برائے موسمیات نے مملکت کے بعض شہروں میں زیادہ اور کم درجہ حرارت کی پیش گوئی کی ہے۔ ادارے کے مطابق مکہ مکرمہ اور مدینہ منورہ میں آج سب سے زیادہ درجہ حرارت 40 ڈگری سینٹی گریڈ رہے گا جبکہ ابہا میں سب سے کم درجہ حرارت 15 ڈگری سینٹی گریڈ متوقع ہے۔

مرکز موسمیات نے اپنی سرکاری ویب سائٹ پر بتایا کہ آج مکہ مکرمہ، مدینہ منورہ اور دمام میں زیادہ سے زیادہ درجہ حرارت 40 جبکہ جدہ میں 36 ڈگری سینٹی گریڈ رہے گا۔

ادارے نے مزید بتایا کہ ابہا میں زیادہ سے زیادہ درجہ حرارت 28، تبوک میں 33، حائل میں 36، الباحہ میں 25، عرعر میں 32، جازان میں 36 اور نجران میں 35 ڈگری سینٹی گریڈ متوقع ہے۔

اسی طرح بعض شہروں میں کم سے کم درجہ حرارت اس طرح رہے گا: ابہا 15، الباحہ 16، ریاض 28، مکہ مکرمہ 30، مدینہ منورہ 27، جدہ 29، نجران 21، جازان 29 اور تبوک 22 ڈگری سینٹی گریڈ۔