امام ترکی بن عبداللہ ریزرو میں ماحولیاتی خلاف ورزی پر شہری گرفتار

خصوصی فورس برائے ماحولیاتی تحفظ نے ایک شہری کو امام ترکی بن عبداللہ ریزرو میں ممنوعہ مقامات پر 40 اونٹ چرانے کی پاداش میں گرفتار کیا ہے۔

فورس کے مطابق ممنوعہ علاقوں میں اونٹ چرانے پر فی اونٹ 500 سعودی ریال تک جرمانہ عائد کیا جا سکتا ہے۔

خصوصی فورس برائے ماحولیاتی تحفظ نے شہریوں سے اپیل کی ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر دیں۔ فورس نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔